test

Përurohet lulishtja “Frederic Chopin” në hyrje të Liqenit Artificial të Tiranës

113 563 lexime

124,178FansaPëlqeje

Bashkia e Tiranës, në bashkëpunim me ambasadën polake dhe atë franceze, në Ditën Botërore të Muzikës, përuroi lulishten e re që mban emrin e kompozitorit të njohur polak, Frederic Chopin.

Në këtë ceremoni morën pjesë kryebashkiaku Erion Veliaj, Ambasadori i Polonisë, Karol Bachura, Ambasadorja e Francës, Christina Vasak dhe Kryetari i Shoqatës “F. Shopen”, Zhani Ciko.

Erion Veliaj tha se kryeqyteti ka nga sot një tjetër bizhu, teksa theksoi se një fokus të veçantë ka edhe nisma për rehabilitimin e hapësirave publike.

“Ky është një vit përvjetorësh; është përvjetori i Chopin, është edhe përvjetori i Tiranës kryeqytet. Një nga nismat që mund të funksionojë edhe në kohë pandemie është rehabilitimi i hapësirave publike në qytet. Sheshi “Chopin” është hyrja kryesore e Liqenit Artificial të Tiranës, pra është një reflektim i fundit pare se të futemi në një mjedis më të qetë dhe më të pastër. Ndaj, më vjen mirë që kjo portë e Parkut të Madh të Liqenit Artificial të Tiranës, sot ka dalë në dritë; është një bizhu e pastruar nga pluhuri, ka marrë shkëlqim, është kuruar me detaje, dhe besoj se do të kthehet në një hapësirë reflektive të çfarë do të thotë sot të jesh njeri i mirë, i talentuar, por edhe evropian i mirë”,- u shpreh Veliaj.

Më tej ai nënvizoi se vetë figura e kompozitorit të njohur është një sinonim edhe i shumë historive të suksesit të Shqipërisë.

“Para pak ditësh ishim me Inva Mulën për të hapur sallën “Avni Mula”, në shkollën “Servete Maçi”, tek rruga “e Dibrës” dhe kuptojmë se fatet i kemi të lidhura. Mund të lindim në Poloni, ose në Shqipëri, mund të fitojmë sukses në Paris, por mund të rikthehemi sërish dhe të kontribuojmë; besoj se Europa është mbështetur mbi këto themele. Ndaj, jam sot shumë i lumtur dhe mirënjohës për bashkëpunimin me Ambasadën Polake, me Ambasadën Franceze, me miqtë si Zhani Ciko, dhe të gjithë ata që e ruajnë me pasion”,-tha kryebashkiaku i Tiranës.

Lexo edhe :  Provimi i gjuhës shqipe për klasat e nënta, 29 mijë nxënës drejtë testimit të njohurive

Ai theksoi  se Tirana do të rikuperojë shumë prej aktiviteteve publike prej pandemisë.

“Tani kemi pandemi, por do të vijë një ditë e bukur kur të mund të jemi të gjithë bashkë. Jam i sigurt se do t’i rikuperojmë edhe aktivitetet publike, me fokus muzikën dhe pasionin e atyre që prej muzikës, edhe prej miqësisë polako-franceze-shqiptare, janë bërë bashkë në organizime të tilla. Vërtetë jemi krenarë për gjërat që janë origjinale, historike shqiptare, por jemi gjithashtu pjesë e një stofi europian, ku frymëzimi që na vjen nga figura si Chopin, do të na shoqërojë teksa mobilizohemi të jemi akoma më aktivë si pjesë e Europës”, -deklaroi ndër të tjera Erion Veliaj.

Ndërsa ambasadori polak, Karol Bachura, nga ana e tij shprehu mirënjohjen ndaj Bashkisë së Tiranës për vëmendjen që tregon ndaj artit dhe personaliteteve të tilla si Frederik Chopin.

“Jemi jashtëzakonisht të lumtur që me kreun e Bashkisë ne ia dolëm mbanë që të rikonstruktonim këtë shesh e gjithashtu të mundësonim vendosjen e ndriçimit për të bërë të mundur dukshmërinë e  monumentit edhe gjatë natës”,-tha Ambasadori Bachura.

Për ambasadoren franceze Christina Vasak, figura e Chopin është një figurë evropiane.

“Një gjë shumë e bukur, është një kartelë që do i shërbejë turizmit. Në emër të shoqatës jam vërtetë shumë i kënaqur, sepse është shoqata më e vjetër artistike, prej viteve ’90-të me njerëz seriozë, me njerëz që duan kulturën, artin, muzikën dhe që i shërbejnë me devocion artit”,- u shpreh Ciko.

Duhet theksuar se në Shqipëri funksionon edhe Shoqata “Frederik Shopen” me maestron Zhani Ciko në krye dhe ku kultivohen virtuozë të brezit të ri, të dashuruar me muzikën shopeniane.ka.ta/Fjala.al/

 

Të fundit

Belgjika nuk gabon sërish, Djajtë mposhtin Rumaninë dhe marrin fitoren e parë në Europian

Belgjika regjistron fitoren e parë në EURO 2024, me skuadrën e Tedesco-s që triumfoi 2-0 ndaj Rumanisë në ndeshjen...

Zi në botën e futbollit, ish-futbollisti i njohur dhe familja e tij humbasin jetën

Futbollisti 28-vjeçar i Al Jazira, Ahmad Abu Al-Atta së bashku me gruan dhe fëmijët e tij mbetën të vrarë pas një sulmi ajror izraelit,...

Hodhën fishekzjarrë nga një jaht dhe i vunë flakën pyllit, e pësojnë keq 13 persona

Autoritetet greke arrestuan 13 persona të shtunën pasi fishekzjarrët e nisura nga një jaht ndezën një zjarr në pyll në një ishull pranë Athinës,...

“Nga 15 mijë euro do marrësh 280”/ Zbardhen telefonatat e zhvatjes së italianëve

Top Channel ka zbardhur dosjen për mashtrimet përmes call centerave, ku 17 persona akuzohen se zhvatën 4.7 mln € nga 1200 italianë dhe i...

“Është djali më i bukur shqiptar”/ Adrola Dushi pranon lidhjen me këngëtarin e njohur

Tashmë nuk ka më dyshime! Modelja bukuroshe Adrola Dushi dhe këngëtari i famshëm Capital T janë në një lidhje dashurie. Lajmin e ka konfirmuar bukuroshja...

Lajme të tjera

Web TV