Presidenti i Republikës, Ilir Meta iu drejtua sot Gjykatës Kushtetuese sërish për çështjen e Teatrit Kombëtar.
Këshilltari juridik i presidentit, Bledar Dervishaj bëri dorëzimin e kërkesës me objekt shfuqizimin e Vendimit të Këshillit të Ministrave që kalon godinën e teatrit në pronësi të bashkisë.
“Presidenti kërkon pezullimin e efekteve të këtij akti derisa Gjykata Kushtetuese të shprehet. Të ndalohen jo vetëm efektet e e këtij vendimi që kalon të drejtën e pronësisë por çdo veprim administrativ dhe i autoriteteve shtetërore që cenojnë godinat e Teatrit Kombëtar” u shpreh Dervishaj për Zërin e Amerikës.
Implikimi i kësaj VKM është e nivelit kushtetues dhe për këtë arsye ka “dorëzuar me shumë dëshirë kërkesën” u shpreh Dervishi duke sqaruar më tej.
“Kërkesa e dytë është një kërkesë e mëvetshme, por argumentet mbeten të njëjtë. Godina paraqet interes të lartë publik kombëtar dhe prishja e saj ka efekt të drejtpërdrejtë në humbjen e disa aseteve që konsiderohen trashëgimi kulturore dhe identitet tonë kombëtar.
Implikimi i kësaj VKM është e nivelit kushtetues dhe për këtë arsye presidenti ka dorëzuar me shumë dëshirë kërkesën”.
