Pas Presidentit Ilir Meta, edhe kryetari i Partisë Demokratike, Lulzim Basha ka shpërndarë në ‘Twitter’ mesazhin e Komisioneres se BE per Kulturën Mariya Gabriel.
Basha ka bërë thirrje që të ndalet menjëherë dhunimi i Kushtetutës dhe provokimi për prishjen e teatrit Kombëtar.
“Faleminderit @GabrielMariya, @europanostra dhe @LSorecaEU për mesazhet e qarta për respektimin e ligjit dhe thirrjen për dialog me artistët dhe ekspertët e trashëgimisë kulturore.
Të ndalet menjëherë dhunimi i Kushtetutës & ligjit dhe provokimi për prishjen e paligjshme të TK.”, shkruan Basha.
Më herët Komisionerja e KE-së për kulturën Mariya Gabriel kërkoi dialog mes palëve përpara se të merret vendimi për shembjen e Teatrit Kombëtar, të cilën Këshilli Bashkiak i Tiranës e vulosi mbrëmjen e djeshme.
“Dialogu me shoqërinë civile dhe ekspertët e trashëgimisë #kulturore është i domosdoshëm përpara se të merrni një vendim të pakthyeshëm në #Nacional Theatre #Tirana. Ne inkurajojmë fuqimisht të gjitha institucionet përkatëse kombëtare që të përfshihen tani në një dialog konstruktiv me palët e trashëgimisë”, shkruan ajo.
