Të dy ata kanë dhënë shumë e vazhdojnë ta bëjnë këtë me fanelën e skuadrës së Arsenal, por edhe pse me reparte të ndrysghme dhe të përfolur për largimin, deri më tani nuk e kanë bërë. Shkodran Mustafi e granit Xhaka janë dy nga lojtarët më me vlerë te Gunners, e ndoshta tani atyre mund t’u shtohet një i tretë.
Mbrojtësi Marash Kumbulla ka bërë që shumë skuadra të interesohen për të pas paraqitjeve shumë të mira sezonin e fundit me Hellas Veronën, dhe admirimi ndaj lojtarit kuqezi në kampionatin më të fortë të botës, është rritur. Kumbulla dhe Rrahmani kanë bërë që skuadra e tyre të ketë mbrojtjen e dytë më të fortë në Serie A.
Për talentin e kombëtares shqiptare ka shfaqur interesim edhe Arsenal. Skuadra nga Londra mund të bëjë që dy mbrojtësit qendror të jenë shqiptar, Kumbulla dhe Mustafi. Verona e vlerëson lojtarin 30 milionë euro dhe për të interesim kanë shtuar edhe Inter, Leipzig dhe Everton, por asnjë prej tyre nuk ka avancuar në mënyrë konkrete, ndikuar dhe nga kriza ekonomike e shkaktuar nga coronavirus. Do të duhet të presim këtë verë, kur Kumbulla të jetë sërish në fushë për Veronën, e ndoshta atëherë, do zgjedhë dhe fanelën e re.
