Pasi bëri bujë me daljet ku sulmonte lojtarë me të cilët ka mbrojtur të njëjtën fanelë si Balotelli apo Felipe Melo, tani kapiteni Giorgio Chiellini shkoi edhe më tej, duke zbuluar detaje të trajnerit Sarri. Në autobiografinë ku spikatin më së shumti personazhe futbolli, mbrojtësi bardhezi vendosi theksin për Sarri, te marrëdhënia e tij me duhanin.
Mbrojtësi i Juventus, Giorgio Chiellini pranon se obsesioni i menaxherit Maurizio Sarri me cigaret është aq i keq sa duhet të bësh dush, pasi të flasësh me të. Menaxheri italian, 61 vjeç, pi më shumë se 60 cigare në ditë dhe madje është parë duke pirë duhan në vijën e fushës disa herë, gjatë karrierës së tij. Chiellini zbulon se lojtarët e Juventusit sigurohen që të flasin me Sarrin menjëherë pas një ndeshje në mënyrë që të shmangin të folurit me të pas dushit të tyre… Mbrojtësi italian tha në autobiografinë e tij:
‘Sarri ka një personalitet shumë të mbyllur, nuk lejon të rrëshqasë shumë, edhe nëse Juventus ka arritur të arrijë majat em disa fitore të mëdha. E vetmja gjë që askush nuk ka arritur të ndryshojë është lidhja e tij e çuditshme me cigaren. Ju mund të shkoni dhe të bisedoni me të në zyrën e tij para një dushi, sepse përndryshe edhe ti si lojtar, mund të qelbesh era duhan” tha Chiellini.
Parabola e Sarrit në caktimin si numri 1 i skuadrës më të vlerësuar dhe më të fortë të momentit në Serie A, ka qenë e jashtëzakonshme, duke filluar karrierën e tij me formacione amatore si U.S.D Stia dhe U.S Fallese në vitet 1990 ndërsa punonte edhe si bankier me kohë të pjesshme.
Në autobiografinë e tij, Chiellini thotë se karakteri i përpiktë i Sarrit është arsyeja se pse ai ka arritur të ngrihet në majën e piramidës italiane të futbollit. Mbrojtësi shtoi: ‘Ai është gjithmonë duke kërkuar përsosmëri, për shembull synon thuajse 100% posedim të topit në gjysmën e skuadrës që ka. Është utopi natyrisht, por mbase kjo mënyrë është ajo që i lejon të punojë për rrugën e tij, si u ngjit nga fundi në vendin ku është tani” tha Chiellini.
