Vëmendje e veçantë nga media ndërkombëtare i është kushtuar protestës së kësaj të hëne të zhvilluar nga Aleanca për Mbrojtjen e Teatrit Kombëtar.
Prestigjiozja amerikane “New York Times” shkruan se artistët shqiptarë dhe opozita janë bërë bashkë për të protestuar kundër prishjes së Teatrit Kombëtar në Tiranë.
E megjithatë asgjë nuk shkoi ashtu si ata kishin menduar…
Tensionet të forta politike, debate të shumta kanë shoqëruar artin dhe politikën këto dy vitet e fundit.
Postimi i plotë
“Duke shkelur urdhrin për mos-mbajtje të tubimeve masive për shkak të Koronavirusit, disa mijëra njerëz u mblodhën pranë vendndodhjes së teatrit, për të mbështetur artistët në protestën e tyre kundër qeverisë së kryeministrit Edi Rama”-shkruan Associated Press.
“Tetari u shemb të dielën pavarësisht protestave. Policia largoi një grup artistësh dhe liderë të opozitës nga teatri para se të niste shembja. Aleanca për mbrojtjen e teatrit ka kërkuar restaurimin e ndërtesës së vjetër të teatrit, të cilën e konsiderojnë një trashëgimi kombëtare”-shkruan Washington Post.
Lideri i partisë kryesore opozitare PD dënoi shembjen e teatrit dhe e cilësoi si krim makabër dhe dhunë flagrante ndaj Kushtetutës dhe Ligjit. Gjithashtu, protestuesit u shprehën edhe kundër masave të marra në kuadër të koronavirusit”-shton “Washington Post”.
