Ish-kryeministri Sali Berisha ka folur gjatë protestës për shembjen e Teatrit. Berisha u shpreh se do të përdoren të gjitha format e mosbindjes civile.
Për Berishën qytetarët kanë vetëm Zotin dhe guximin e tyre ndaj sipas tij çdo qytetar duhet të ngrihet kundër këtij sistemi.
“Sot qytetarët nuk kanë asnjë mbrojtje tjetër përveç guximit, ndaj ju ftoj ta përdorim. Të çlirohemi sa me parë nga kjo diktaturë mbi drogën dhe krimin. Ne ‘90, ‘91 e zvarritëm diktatorin.
I bëj thirrje secilit qytetar që sot përveç Zotit dhe guximit të tyre nuk ka asnjë tjetër. Një socialist tha: “M’u thaftë dora që e votova”. Do përdorim të gjitha format e mosbindjes civile. Qytetarët s’kanë më ligje”, është shprehur Berisha.
