Kompeticionet europiane nën siglën e UEFA-s, për formacionet angleze vendosen në rrezik. Sipas qeverisë britanike, kushdo që dëshiron të hyjë në Mbretërinë e Bashkuar nga jashtë kufijve, do të duhet t’i nënshtrohet një karantine 14-ditore, (fjala.al). Këto masa padyshim do ta bëjnë të pamundur udhëtimin në vend për të gjithë ekipet e huaja që mund të shortohen në fazë grupesh, apo eliminimi direkt, por mbi të gjithë rrezikojnë ata që luajnë ende në sezonin aktual.
Shoqata Britanike e Futbollit duket se ka e bindur Sekretarin e Kulturës Oliver Dowden për një lehtësim në futboll, por kjo kërkesë u anulua nga Departamenti i Shëndetësisë dhe Zyra e Kabinetit të Boris Johnson. Sipas një burimi qeveritar, “një vendim përfundimtar ende nuk është marrë”, por në “10 Downing Street” ata e konsiderojnë masën të fortë dhe jo të aplikueshme, pasi kjo cënon garat e kampionatit më të fortë në glob.
Manchester City dhe Chelsea në Champions League, Manchester United, Wolverhampton dhe skocezët e Glasgow Rangers në Europa League mund të shohin kështu të ndërprerë para kohe, rrugëtimin e tyre në Kupat kontinentale. Më herët klubet e Premier League votuan në favor të projektit “Restart. dhe në favor të protokollit që u lejon të rikthehen në stërvitje, megjithëse në grupe të vogla. Fjala.al
