Donald Trump ka treguar se po merr ‘hydroxychloroquine’, një ilaç për malarien, që ai e ka sugjeruar javë më parë si një trajtim për koronavirusin. Edhe pse presidenti i SHBA-ve ka rezultuar negative, ai deklaron se e konsumon ‘hydroxychloroquine’ edhe pse agjencitë federale të shëndetit kanë paralajmëruar për efektet anësore serioze që vijnë nga përdorimi i tij.
“Unë e përdor atë”, u tha ai gazetarëve. “E gjitha çfarë mund t’iu them është se deri tani ndihem mirë”.
Presidenti tha të hënën se kishte marrë vetëm një dozë. “Duket se ka një përmirësim”, tha ai. “Ndoshta ka, ndoshta dhe s’ka…gjithsesi nuk do të sëmureni dhe vdisni.”.
Trump tha se marrë ilaçin për rreth një javë e gjysmë, duke shtuar se: Unë marr një pilulë çdo ditë
Presidenti tha se po e konsumonte ilaçin sepse “kishte marrë shumë telefonata” nga profesionistë mjekësorë që e kishin lavdëruar atë. Deklarata e tij vjen disa javë pasi ‘New York Times” raportoi se familja e Trump ka një lidhje me kompaninë mëmë të njërës prej firmave që prodhon ‘hydroxychloroquine’.
Më herët mjekët kanë deklaruar se ‘hydroxychloroquine’ mund të përdoret vetëm për pacientët që kanë rezultuar pozitivë me koronavirus, kjo ngre aludime për marrjen e këtij trajtimi nga presidenti Trump.
Presidenti ka qenë një kundërshtar i zjarrtë kur ishte një qytetar i thjeshtë që po niste karrierë në politikë, por të hënën ai zbuloi për mediat se ishte në përdorimin e këtij trajtimi pavarësisht paralajmërimeve të ashpra nga Administrata e Ushqimeve dhe Barnave (FDA).
“FDA është e vetëdijshme për problemet serioze që shkakton përdorimi i ‘hydroxychloroquine’ me kombinimin e ‘azithromycin’ dhe ilaçeve të tjera te pacientët e infektuar me Covid-19. Ne gjithashtu jemi të vetëdijshëm për përdorimin e këtyre medikamenteve pa recetë.”, tha agjencia.
Prandaj, ne u rikujtojmë profesionistëve të kujdesit shëndetësor dhe pacientëve për rreziqet që lidhen me përdorimin e ‘hydroxychloroquine’.
Ne do të vazhdojmë të hetojmë rreziqet që lidhen me përdorimin e ‘hydroxychloroquine’ për Covid-19 dhe do të dalim me një deklaratë publike kur të kemi më shumë informacion.”/Burim: The Indipendent
