Gjykata e Rrethit Gjyqësor Shkodër ka pranuar ditën e sotme kërkesën e avokatëve mbrojtës Arben Hoxha dhe Sokol Tahiraj, duke lënë të lirë disa prej të hetuarve të grupit Bajri.
Trupa gjyqësore e përbërë nga Besmir Stroka ka shuar masën “arrest me burg” Safet Bajrin, duke dhënë qëndrimin në burg vetëm për Vendimin Penal të formës së prerë, i cili është 9 vite, për shkak të një dënimit të dhënë nga drejtësia belge, për trafik droge dhe prostitucion.
Pas vendimit të sotëm janë liruar nga paraburgimi edhe Ismet Idrizi, Asmer Bilali dhe Samet Halluni. Ndërsa janë zgjatur afatet e qëndrimit në këto ambiente për Behar Bajrin dhe Ilir Bajrin.
Po ashtu masa e sigurisë është zëvendësuar edhe për Emrah Plakun dhe Jorida Muratin, nga arrest shtëpie në detyrim për paraqitje në policinë gjyqësore.
Rikutojmë se arrestimi i grupit Bajri në qytetin e Shkodër, në shtator të vitit 2018 u shoqërua me bujë, ndërsa muaj më pas kjo çështje u zvarrit, duke kaluar nga SPAK ku hetohej për grup të strukturuar kriminal në Gjykatën e Shkodrës, e cila sot hoqi masat e arrestit për një pjesë të tyre.k.t/Fjala.al/
