Tre seancat e ardhshme të Kuvendit dhe deri në korrik do të zhvillohen nga 3 orë duke vijuar me masat dhe standardet për mos lejuar përhapjen e Covid-19.
Programi i punës u miratua sot nga Konferenca e Kryetarëve nën drejtimin e Gramoz Ruçit. Ndërkohë Ruçi bëri thirrje komisioneve të përshpejtojnë punë.
Konferenca e Kryetarëve shqyrtoi dhe miratoi programin e punës për periudhën 25 maj-3 korrik dhe kalendarin e punimeve për periudhën 25 maj-12 qershor 2020.
Sot, në datën 20 maj 2020, u zhvillua mbledhja e Konferencës së Kryetarëve. Konferenca u zhvillua me anë të mjetit të komunikimit elektronik (Cisco Webex).
Mbledhja shqyrtoi, diskutoi gjerësisht dhe miratoi programin e punës së Kuvendit për periudhën 25 maj-3 korrik 2020.
Mbledhja shqyrtoi dhe miratoi me konsensus kalendarin e punimeve të Kuvendit për periudhën 25 maj-12 qershor 2020 dhe vendosi zhvillimin e seancave plenare në datat 28 maj, 4 qershor dhe 11 qershor 2020.
Seancat plenare do të zhvillohen duke zbatuar rregullat dhe standardet për mbrojtjen nga Covid-19 dhe do të zgjasin tre orë, nga dy orë që ishte kufizimi i deritanishëm./Fjala.al
