Lufta politike në bashkinë e Shkodrës ka dhënë efekt në futboll në shumë raste, pro këtë radhë kulmoi me bojkotin e skuadrës së Vllaznisë. E financuar nga qyteti, skuadra kuqeblu varet pashmangshmërisht nag financat që miratohen në Këshill, por një miks pes situatës kaotike ngapandemia, dhe luftës së kryetares në detyrë Voltana Ademi me këshilltarët e krahut tjetër, penalizojnë lojtarët te pagat.
“Nuk mund të flitet për futboll në këto kushte. Lojtarëve iu është hequr dhe trajtimi ushqimor, ndërsa paga e fundit që kanë marrë është në Janar” thotë kapiteni Gilman Lika.
Por situata më e rëndë është te lojtarët e huaj, nga pagesa e të cilëve varet edhe familja. Ata kanë kërkuar edhe ndihmën ekonomike me pako ushqimore, një situatë e rëndë për lojtarët të Kategorisë Superiore.
Ndërkohë administratori Suad Lici nuk arriti të bindë futbollistë e Vllaznisë, dhe në daljen publike, u kuptua se pse. Bashkia nuk njeh muajt pa punë të lojtarëve, që u detyruan të qëndrojnë në pit stop nga pandemia. “Ne normalisht nuk mund të paguajmë një punë që nuk është bërë. Lojtarët kanë marrë pagën e luftës nga federata” thotë Suad Lici, ish mesfushori i kuqebluve që tani mbron pozitat e bashkisë. fjala.al
