Kim Kardashian tregoi së fundmi, një pjesë të garderobës së saj marramendëse, dhjetëra metra katrorë, të stiluar me klas, e të tejmbushur, siç duket në fotot në Instagram. Por ajo nuk është e vetmja. Të famshmet dhe të pasurat shumë shpesh publikojnë në rrjetet sociale, foto dhe pamje të garderobës së tyre, ku spikasin këpucë, çanta e veshje të firmave të njohura, secila prej tyre me vlerë qindra e mijëra dollarë.
Ashtu siç janë veshjet, ashtu janë edhe garderobat e tyre, me stil dhe ngjyra të ndryshme. Duke e nisur nga Khloe Kardashian, dhoma e veshjeve dhe e palestrës janë të tejmbushura. Një dhomë e saj i dedikohet parukeve dhe ekstejshënave të gjatësive, formave e ngjyrave të ndryshme.
Një pjesë tjetër e garderobës i dedikohet vetëm veshjeve të sportit, duke nisur nga dhjetëra atlete të ngjyrave e formave të ndryshme. Garderoba e këngëtares Mariah Carey është ashtu si vetë këngëtarja, ndriçuese, e gjitha në ngjyrë ari dhe kristali. Ajo cka bie menjëherë në sy është numri i jashtëzakonshëm i këpucëve e sandaleve, të të gjitha ngjyrave formave e lartësive të ndryshme. Garderoba e Paris Hilton është një magji trubulluese.
Ashtu si vetë artistja, këngëtarja, aktorja e modelja bukuroshe, edhe garderoba e saj është ekstravagante dhe e tejmbushur. Garderoba e aktores Jenna Deëan është e thjeshtë dhe moderne në të njëjtën kohë por mbi të gjitha e rregullt, ku çdo gjë është në vendin e vet.
Catherine Zeta Jones nuk ngurron asnjëherë të tregojë në garderobë, koleksionin e saj të jashtëzakonshëm të këpucëve. Por ajo çka spikat janë ngjyrat e kuqe, blu, rozë dhe të verdhë. Garderoba e Jennifer Lopez është një kat i tëri në vilën e saj.
Hapësira është sa një kat në një qendër tregtare, ku çdo cep është i mbushur me veshje luksoze, këpucë e çanta po ashtu, ku asnjëra prej tyre nuk ka vlerë nën 1 mijë dollarë. Garderoba e Amanda Holden është e stiluar në mënyrë profesionale.
Prezantuesja e famshme televizive sapo e ka rinovuar garderobën e saj dhe fansat janë mahnitur nga rregulli. Një seksion i dedikohet tërësisht këpucëve, njëra çantave dhe tjetra veshjeve, të varura e të ndara sipas ngjyrave./fjala.al
