Shëtitja e mbrëmjes ka rezultuar surprizuese për një familje në Virginia të Shteteve të Bashkuara të Amerikës.
Gjatë fundjavës së kaluar, një makinë la në mes të rrugës disa qese të mëdha të cilat dukeshin si qese me plehra.
Ndërkohë për të mos i lënë në mes të rrugës, familjarët i morën ato duke i ngarkuar në pjesën e pasme të kamionit të tyre.
Por ato të cilat konsideroheshin si plehra, ishin para cash. Këtë e vunë re teksa shkuan të hidhnin në kosh qeset e gjetura.
Ndryshe nga sa mund ta mendoni, familja njoftoi një officer policie dhe së bashku shkuan në kishën e qytetit.
“Ishin në dy çanta dhe në total shkonin diku tek 1 milionë dollarë. Bashkë me to ishin dhe dy qese të tjera më të vogla, që tregonin me përpikmëri se ku duhet të depozitoheshin paratë.”- deklaroi oficeri i policisë për CNN.
Që prej marrjes së njoftimit, policia ka nisur hetimet, por ende nuk dihet se kujt i përkasin ato të ardhura. /k.b/fjala.al
