Aktori shumë i njohur dhe shumë i dashur për shqiptarët, Zef Deda, u bashkua ditën e sotme me Aleancën për Mbrojtjen e Teatrit gjatë mbledhjes së firmave për peticionin e rindërtimit në Shkodër.
Ndërsa po fillonte fjalën e tij, Deda puthi godinën e Teatrit “Migjeni” dhe tha se nuk duhet lënë që arti dhe kultura të rrënohen.
“Po të ishim dhe ne, ju artista shkodranë, po të ishim të gjithë, nuk do e shembin dot Teatrin Kombëtar. Janë super komunista, nuk duan artin, nuk duan kulturën. Ajo është një mafie dhe po e shkatërron këtë vend. Por jo, nuk do ta lejojmë këtë gjë”,-u shpreh aktori.
Ndër të tjera ai tha se qeveria ka manipuluan artistë të mëdhenj dhe tha se qeveria është një mafie dhe nuk e do artin.
“Manipuluan shumë artista, manipuluan shumë figura të mëdha, deri këtu arriti kjo mafie. Çohu o popull, çohu ta mbrojmë artin dhe kulturën. Rroftë teatri”,- vijoi Zef Deda.k.t/Fjala.al/
