Fjolla Morina, këngëtarja e njohur shqiptare përveç karrierës si këngëtare ka hapur dhe një dyqan veshjesh për fëmijë, të cilit i ka vendosur emrin e vajzës së saj të vogël, Alayah.
Në një intervistë për ‘Prive’, Fjolla ka treguar edhe për fotot që ka publikuar në fillim të Muajit të Shenjtë të Ramazanit, ku u shfaq e mbuluar me shami.
Ajo tha se e respekton fenë mysliman dhe se paragjykimet për zhveshjen e saj nuk e determinojnë respektin që ajo ka për përkatësinë fetare së cilës i përket.
“Unë e respektoj fenë myslimane edhe nuk është se unë duhet me u mbulu. Unë i lutem Zotit, lutem edhe kështu, netët e mëdhaja kur kanë qenë unë gjithmonë jam lutur, edhe kam agjëruar sa unë kam mundur. Por ka edhe prej atyre njerëzve që thonë se pse Fjolla duhet ta agjërojë Ramazanin? Sepse ti zhvishesh ose je këngëtare nuk ka kurrëfarë domethënie ajo.
Ne jemi krejt njerëz normal. Dikush ndoshta mbulohet dhe ka bërë shumë të këqija, ndërsa dikush ndoshta del zhveshur po ka bërë shumë të mira. Nuk ka të bëjë ajo unë mendoj”, ka thënë këngëtarja.
