Një krokodil që mendohet se i përkiste liderit të Gjermanisë naziste, Adolf Hitlerit, ngordhi në kopshtin zoologjik të Moskës.
Ishte 84- vjeçar, dhe thuhet se në rininë e tij kishte qenë “i përkëdheluri” i Hitlerit. Nuk po flasim për një drejtues nazist, por thjesht për aligatorin Saturn, një nga dy më të vjetrit në botë.
Krokodili u gjet nga trupat britanike pas përfundimit të Luftës së Dytë Botërore dhe iu dha Ushtrisë së Kuqe. Prej aty, zvarraniku u çua në kryeqytetin rus, ku dhe u vendos në kopshtin zoologjik.
Ai mendohet se ka qenë një ndër krijesat që ngjallte më shumë kureshtje në kopshtin zoologjik të Berlinit, ndërkohë që edhe Hitleri e kishte si pjesë të koleksionit të tij të “kafshëve shtëpiake”.
Mendohet se ai u kap në Misisipi në vitin 1936 dhe më pas u transportua në Berlin. Mediat në Rusi shkruajnë se në vitin 1990, kur u qëllua me tank në ndërtesën e parlamentit në Moskë, në sytë e tij pati lot, sepse i kujtonin bombardimet në Berlin.
Disa herë ai i ishte afruar vdekjes, por ia kishte dalë të shpëtonte. Saturni ishte aligatori i dytë më i vjetër në botë, aty ku më i vjetri ndodhet në Beograd, dhe quhet Muja./b.b/fjala.al
