Kryeministri Edi Rama në një dalje live në Facebook deklaroi se nga 1 qershori hapen plazhet vetëm për hotelet, por pas datës 10 qershor do të hapen plazhet për të gjithë të tjerët.
Rama tha se këtë vit plazhet do të jenë të zbrazura nga shezlonget dhe çadrat me pagesë.
“Këtë javë ne mbyllim edhe sistemin administrimit të plazheve. Parimin e rënës se xanun me çadra e shezlonge do ta ndëshkojmë.
Ne do t’i hapim nga një qershori vetëm për hotelet, dhe pas 10 qershorit për të gjithë. Ne duam që hoteleria shqiptare të punojë dhe të mos konkurrohet në mënyrë të padrejtë.
Ne duam që shqiptarët që shkojnë në plazh, ta kenë këtë mundësi dhe askush të mos i vendosë taksën e të fortit. Shumë kush ka filluar ta tallë armikun e padukshëm, por rreziku mund të jetë katastrofik”, u shpreh Rama.
