Ish-lojtari i skuadrës së Kukësit, Izair Emini ka rezultuar negativ në testin e dytë për koronavirusi. Futbollisti që tashmë aktivizohet në Superligën e Kosovës ishte i parë person nga bota e këtij sporti që rezultoi pozitv me Covid-19 vendin ku luan.
Lajmi u bë publik nga vetë lojtari përmes një postimi në “Facebook”, ku shkruan se para dy ditësh ka bërë këtë test, i cili tashmë ka rezultuar negativ.
“Përshëndetje për të gjithë juve shokëve në FB. Njëherit doja të ju falënderoja përzemërsisht që më keni dhënë mbështetje gjatë kësaj kohe dhe do ju jem mirënjohës gjithmonë. Para dy ditësh bëra testin e radhës dhe doli si rezultat negativ, faleminderit edhe një herë të gjithëve. Zoti ju ruajt”, ka shkruar Emini.
Emini u habit nga rezultati i testit të parë, pasi nuk kishte shfaqur asnjë shenjë dhe madje dyshoi edhe në vërtetësinë e analizës.
Futbollisti është shëruar plotësisht tashmë dhe është i gatshëm për të përfaqësuar në sulm ekipin e Dritës në Kosovë.k.t/Fjala.al/
