Këshilli i Diasporës: Zgjedhjet 2021, tё sigurohet vota e emigrantëve

124,178FansaPëlqeje

Kёshilli Koordinues i Diasporёs kёrkon tё sigurohet edhe vota e emigrantёve nё zgjedhjet e ardhshme tё 2021-shit. Nёse kjo nuk ndodh, KKD-ja do tё rikonsiderojё marrёdhёniet e saj me qeverinё aktuale.

Nga Leonard Veizi

Ata kërkojnë që në zgjedhjet e vitit 2021 të sigurohet vota e emigrantëve. Dhe kjo kërkesë ka ardhur si domosdoshmëri, për t’u marrë parasysh dhe vota e tyre, pas prishjes së godinës së Teatrit Kombëtar.

Lexo edhe : Ish-deputeti demokrat: Berisha të hapë krahun, e mbështesin vetëm fanatikët ekstremë

Në këtë mënyrë, Kёshilli Koordinues i Diasporёs ka reaguar pas shembjes sё godinës së Teatrit, duke e cilësuar si tё pakuptimtё dhe tё papranueshëm vendimin e marrë nga qeveria nё njё çat pandemie. KKD-ja thotё se pёr kёtё vendim duhej tё merrej dhe mendimi i diasporёs, prandaj ata kёrkojnё qё tё sigurohet edhe vota e emigrantёve nё zgjedhjet e ardhshme tё 2021-shit. Nёse kjo nuk ndodh, KKD-ja do tё rikonsiderojё marrёdhёniet e saj me qeverinё aktuale.

Deklarata

KKD thotë se është një institucion qё ka pёr detyrё tё pёrfaqёsojё interesat e diasporёs dhe tё jetё njё urё lidhёse me institucionet e vendlindjes. Duke respektuar këtë mision, KKD-ja shprehet se ёshtё duke ndjekur me kujdes zhvillimet e fundit nё Shqipёri. KKD-ja konsideron se respektimi i tё drejtave tё shtetasve shqiptarë̈ dhe i parimeve tё demokracisë̈ ёshtё njё pёrgjegjёsi thelbësore pёr shtetin shqiptar nё rrugёn drejt antarёsimit nё Unionin Evropian.

“KKD ka ndjekur me shqetёsim tё veҫantё situatёn e krijuar nga shеembja e godinёs sё Teatrit Kombёtar. Mёnyra dhe momenti qё u zgjodh nga qeveria pёr tё prishur godinёn, shoqёruar me arrogancёn kundёr atyre me mendim ndryshe, na shqetёson, pasi vihet seriozisht në diskutim e ardhmja e Shqipёrisë si njё shtet demokratik. Është e pakuptueshme se si nё ҫastet e rёnda tё pandemisё, një nga prioritetet e qeverisё ishte prishja e Teatrit Kombёtar”, thuhet në deklaratën e Kёshillit Koordinues të Diasporёs.

Më tej ky Këshill shprehet se shoqёria shqiptare nё kёtё periudhë të paprecedentë ka nevojё pёr qetёsi dhe unitet dhe jo për veprime tё nxituara e konflikte të panevojsheme. Pёr mё shumё, – thuhet në deklaratë, – dhuna e ushtruar nga forcat e rendit kundёr protestueve, ditën e shembjes sё Teatrit Kombёtar, duhet analizuar si akt i shёmtuar dhe aspak demokratik. “KKD-ja, edhe pse i miratuar nga qeveria e Shqipёrisё, ёshtё institucion i pavarur.

Lexo edhe : Nisja e sezonit veror, Rama njofton hapjen e 36 qendra shëndetësore në të gjithë vendin

Shumё prej nesh ndodhen larg atdheut jo vetёm si pasojё e zgjedhjes individuale, por edhe e trajtimeve megalomane dhe shpesh hakmarrёse të qeverive tё ndryshme. Dhe kjo për vendin tonë ka qenë me kosto të lartë, sidomos intelektuale. Ne dёnojmё pa asnjё rezervё veprimet e qeverisë̈ pёr shеmbjen e Teatrit Kombëtar, mungesёn e transparencёs, shkeljet ligjore, dhe nxitimin nё marrjen e vendimeve. Ndёrkohё, u bёjmё thirrje forcave politike nё Shqipёri qё tё zhvillojnë̈ dialogun dhe jo arrogancёn e treguar deri tani. Bёjmё thirrje tё ndalet menjëherё ndjekja penale kundёr personave tё arrestuar e dhunuar nё protestёn e datёs 17 maj, ndjekja penale ndoshta duhet rezervuar pёr ata qё urdhёruan shembjen dhe ushtruan dhunёn”, shprehet në deklaratën e tij Kёshilli Koordinues i Diasporёs.

Transparenca

KKD shprehet se e konsideron thelbёsore transparencёn dhe respektin e ligjit nё procesin e vendimmarrjeve tё qeverisё dhe distancohet nga veprimet e nxituara që karakterizohen nga mungesa e dialogut dhe mosrespektimi i institucioneve tё drejtёsisё. Më tej deklarata vazhdon: “Kërkojmë nga ekzekutivi qё e drejta e popullit pёr protesta tё respektohet dhe qё forcat e rendit tё veprojnё vetëm konform ligjit.

Ngjarje tё tilla, me karakter tё rrezikshёm pёr demokracinё e vendit, e bёjnё edhe mё urgjente marrjen e mendimit tё diasporёs nё qeverisjen e vendit. E drejta e votёs sё shtetasve shqiptarё nё diasporё ёshtё njё e drejtё e garantuar me Kushtetutё, por qё vazhdon tё mohohet.

KKD-ja e konsideron jetike pёr demokracinё nё Shqipёri qё kjo e drejtё thelbёsore t’iu mundёsohet shtetasve shqiptarё nё diasporё dhe i kёrkon shtetit shqiptar dhe të gjitha partive politike tё ndёrmarrin tё gjitha veprimet e duhura dhe tё parashikuara me ligj, qё diasporёs t’i garantohet pjesёmarrja nё zgjedhjet e planifikuara pёr vitin 2021. Ështё detyrё e parlamentit t’i sigurojё diasporёs tё drejtёn kushtetuese pёr tё votuar ose diaspora do tё ri-konsiderojё marrёdhёniet e saj me qeverinë e vendit amё”.

Këshilli i Diasporës: Zgjedhjet 2021, tё sigurohet vota e emigrantëve

Të fundit

Manjani: SPAK është bërë si OKB, po kap shqiptarë që s’i kanë bërë asnjë dëm shtetit

Shkencëtarët sapo zbuluan se dinozaurët kishin faqe të fryra

Trump nënshkruan tjetër urdhër, dyfishon tarifat për importet e çelikut dhe aluminit

I mbijetoi pushtimeve, Rama ndan videon nga Himara: Vizitoni xhevahirin e rivierës

Zbulohen bomba të LIIB/ Realizohet evakuimi më i madh në Gjermani

Lajme të tjera

Web TV

Kupa e Shqipërisë/ Ndeshjet e fazës së 1/8-ve luhen më 14...

Vdes në moshën 92 vjeçare inxhinieri i fundit i elektrifikimit të...

Mike Tyson, 57 vjeç, do të kthehet në ring

Na ndiqni në

Manjani: SPAK është bërë si OKB, po kap shqiptarë që s’i...