Partia Demokratike ka vërtetuar vazhdimisht zgjatjen e fatkeqësisë natyrore deri në qershor, për shpalljen që parashtrohet për pandeminë.
Ish-deputeti i PD, Oerd Bylykbashi në një status në Facebook citon Kushtetutën dhe i bën thirrje qytetarëve që të rimarin në dorë të drejtat dhe liritë e tyre.
Ai thotë se mbajtja e këtyre masave përtej 23 majit nuk ka vlerë kushtetuese sepse Parlamenti nuk mund ta zgjaste gjendjen e fatkeqësisë natyrore më shumë se një muaj pa një vendim të ri.
Sipas tij, kufizimi i lirisë së lëvizjes së shqiptarëve dhe të gjitha lirive të tjera nga Kryeministri Rama, që nga 24 maji, e në vazhdim është antikushtetues.
“Qeveria duhej të kërkonte shtyrje të re 30 ditore më 23 maj, të raportonte në Parlament për masat e ndërmarra nga 24 prilli deri më 23 maj, të dëshmonte sa efikase ishin ato dhe pse duhej zgjatur edhe me 30 ditë të tjera gjendja e fatkeqësisë natyrore dhe kufizimi i lirive. Kjo është arsyeja e afatit kushtetues 30 ditor, llogaridhënia e qeverisë dhe jo tekat e Ramës në 22.00 të natës në Facebook. Parlamenti ka detyrimin që t’ju mbrojë të drejtat nga qeveria por harrojeni që ky Parlament si shtupë lecke në duart e Edi Rames t’ju mbrojë”, shkruan Bylykbashi.
Ai shton se statistikat e Covid-19 nuk justifikojnë rrëmbimin dhe dhunimin e të drejtave të qytetarëve nga Edi Rama.
Në mbyllje ai bën një thirrje, “Qytetarë, refuzoni që ‘distancimi social’ i neuroneve të Kryeministrit dhe pamundësia e tyre për t’u takuar me njeri-tjetrin në mendime logjike e racionale në interesin tuaj, të dhunojë lirinë tuaj të lëvizjes! Rimerrni të drejtat dhe liritë tuaja!”/b.b/fjala.al
