Në Indi është ‘arrestuar’ një pëllumb që dyshohet se përdorej si mjet spiunazhi nga Pakistani.
Akuza e çuditshme erdhi pasi Geeta Devi, një banore e regjionit Kathua në Kashmir, raportoi se një zog i ngjyrosur me rozë, që mbante një unazë të koduar në këmbë, pasi kishte fluturuar të dielën në mbrëmje drejt shtëpisë së saj.
Në lidhje me këtë çështje Forca e Sigurisë Kufitare në Indi ia dorëzoi pëllumbin policisë, ndërkaq nisi edhe një hetim si “rast i dyshuar spiunazhi” raporton Time of India, përcjell Telegraf.
“Pëllumbi, që dyshohet të jetë stërvitur në Pakistan për spiunazh, ka një unazë me numra dhe shkronja”, tha një burim për media indiane.
“Megjithëse nuk ka sistem monitorues për zogjtë që fluturojnë përtej kufijve ndërkombëtarë gjatë migrimit, një unazë e koduar është gjetur në trupin e pëllumbit, dhe kjo ngjallë dyshimin, pasi zogjtë e tjerë nuk kanë unaza të tilla”, ka shtuar ai.
Rikujtojmë që midis Indisë dhe Pakistanit janë zhvilluar deri më tani katër luftëra dhe tensioni mes dy shteteve mbetet ende i lartë.k.t/Fjala.al/
