Komisioni i Venecias do t’i japë autoriteteve shqiptare opinionin përfundimtar për emërimet në Gjykatën Kushtetuese dhe Paketën Antishpifje më 18-19 qershor 2020.
Për shkak të situatës së pandemisë, ndryshe nga herët e tjera mbrojtja dhe opinion përfundimtar do të bëhet me anë të procedurës me shkrim.
Në opinionin paraprak te publikuar nga Venecia ne mars 2020, veprimet e Presidentit të Republikës, sa i përket emërimeve të anëtarëve të Gjykatës Kushtetuese u konsideruan përgjithësisht të pajtueshme dhe me një interpretim të arsyeshëm të Kushtetutës.
Opinioni pritet ti japë fund debatit mes Presidentit dhe qeverisë lidhur me emërimin e Marsida Xhaferallarit si anëtare e gjykatës.
Në janar 2020 Komiteti i Monitorimit të Asamblesë Parlamentare të Këshillit të Europës, iu drejtua Komisionit të Venecias për të kërkuar prej tij një opinion lidhur me të ashtuquajturën “paketë antishpifje” te kryeministrit Rama./l.m/Fjala.al
