Shoqata Pediatrike e Japonisë ka informuar se fëmijët nën dy vjeç nuk duhet të përdorin maska mbrojtëse, pasi ato rrisin rrezikun e mbytjes, sipas një raportimi të Reuters.
“Maska mund ta vështirësojë frymëmarrjen sepse foshnjat kanë pasazhe të ngushta ajri, gjë që rrit sforcimin në zemrat e tyre”, tha shoqata, duke shtuar se maska gjithashtu rrit rrezikun për shkak se krijon shumë nxehtësi.
Shoqata tregoi se ka pasur shumë pak raste serioze të fëmijëve të infektuar me koronavirus dhe shumica prej tyre u infektuan nga anëtarët e familjes./Fjala.al/K.L
