David Luiz e sheh veten në derën e largimit nga skuadra londineze, Arsenal pas vetëm një sezoni. Kontrata e mbrojtësit brazilian me formacionin e Premier League skadon muajin e ardhshëm dhe Gunners ende nuk kanë lëvizur asgjë, për të aktivizuar opsionin për të zgjatur marrëveshjen që i jep lojtarit një pagë të majme 125,000 Paund në javë.
Dashuria e shkurtër e David Luizit te Arsenali mund të përfundojë këtë verë me brazilianin që raportohet se do të lihet i lirë. (Fjala.al).Mendohej se mbrojtësi ishte bashkuar me klubin në një marrëveshje dy-vjeçare nga Chelsea verën e kaluar, por Sky Sports pretendon se marrëveshja u arrit vetëm për 12 muaj. Paga e madhe e brazilianit është problemi kryesor.
Mbrojtësi finalizoi një transfertë shokuese brenda Londrës, duke shkuar nga Stamford Bridge në Emirates në ditën e fundit të merkatos para një viti, për një transaksion 8 milionë paund pasi më parë Laurent Koscielny u nis drejt Bordeaux.
Menaxheri Mikel Arteta duket i dëshpëruar për të mbajtur 33-vjeçarin dhe po lufton me drejtuesit, ndërsa Luiz gjithashtu ka shumë dëshirë të qëndrojë në Londër. Por Gunners do të punojnë me një buxhet të kufizuar financiar për shkak të pandemisë së koronavirusit.
