Një vendim drastik për anulimin e kampionatit dhe zyrtarizimin e renditjes aktuale në Ligue 1, e la Lyon jashtë garave për kupat Europiane. Kjo gjë çoi të gjithë çështjen në gjykatë, dhe skuadra transalpine nuk dorëzohet edhe në apelin e fundit.
Presidenti i Lyon, Jean-Michel Aulas megjithëse ka kaluar një muaj nga vendimi për të ndaluar përfundimisht kampionatin francez, insiston në nevojën për të bërë një hap prapa nga qeveria. Pas lajmeve nga Anglia për rinisjen e Premier League, ai bën një apel të ri përmes mediave sociale drejtuar kryeministrit Edouard Philippe dhe Ministres së Sportit, Roxana Maracineanu.
“Premier League do të rifillojë më 17 qershor. Lejoni të rifillojmë stërvitjen nga 2 qershori dhe më pas të luajmë pa tifozë në stadiume në muajin në korrik, vetëm 15 ditë pas anglezëve dhe të gjithë të tjerëve” tha Aulas.
