Klubet e Premier League kanë rënë dakord që të rikthejnë futbollin në fushë, dhe kanë dhënë dhe një datë të saktë për këtë: 17 qershorin. Skuadrat elitare pranuan njëzëri që të vazhdojnë me pjesën e mbetur të kalendarit e tani kanë vetëm tre javë në dispozicion në atë që po cilësohet nëj hap galopant për planet e tyre të projektit “Restart”.
Në Premier League janë përpjekur në mënyrë të dëshpëruar të finalizojnë planet për ta rikthyer sezonin përsëri pas pezullimit të tij në fillim të marsit, në kulmin e krizës nga pandemia e coronavirus. Do të rikuperohen fillimisht Manchester City vs Arsenal dhe Aston Villa vs Sheffield United të mërkurën në 17 Qershor, beteja emocionuese që do vendosin shumë për renditjen.
Më pas 20 qershori është vendosur në axhendë si raundi i parë i ndeshjeve të ardhshme pas rinisjes së Premier League me javën normale.Në total, janë 92 ndeshje të mbetura këtë sezon. Kryetari i bashkisë së Londrës, Sadiq Khan ndërkohë shprehu shqetësimin se rikthimi i futbollit mund të lejojë që virusi të përhapet, veçanërisht nëse mbështetësit mblidhen jashtë stadiumeve.
