Tirana është kthyer në vatrën e re të koronavirusit në vend, pasi të gjitha rastet e reja të 24 orëve të fundit janë regjistruar në kryeqytet.
Gjatë përditësimit të situatës së Covid-19 në vend, Dr. Rovena Daja, bëri me dije se në asnjë qytet tjetër përveç Tiranës nuk ka asnjë rast të ri.
Ndër të tjera ajo ka theksuar se 12 nga 26 rastet e bëra publike ditën e sotme janë personel mjekësor i QSUT-së.
“Tirana vazhdon të jetë vatra kryesore në vend me një numë të lartë të rasteve ditore të konfirmuara pozitive me Covid19. Të gjithë zonat e tjera në Shqipëri rezultojnë për të dytën ditë radhazi pa raste të reja.
Gjatë 24 orëve të fundit janë testuar 225 qytetarë si të dyshuar të prekur me Covid19 dhe janë konfirmuar 26 raste pozitive, të gjitha në Tiranë.
Nga hetimi i thelluar epidemiologjik, janë testuar 73 personel shëndetësor, nga të cilët 12 kanë rezultuar pozitivë, në QSUT, të gjithë pa simptoma. Në total janë 20 të prekur në QSUT, personel shëndetësor dhe pacientë, kontakte të rastit të identifikuar tre ditë më parë.”-tha Rovena Daja.k.t/Fjala.al/
