Dy shpërndarës droge në zonën e Yrshekut në Tiranë, janë vënë në pranga nga uniformat blu. Pas hekurave kanë përfunduar shtetasit A. Xh., 31 vjeç dhe O. L., 25 vjeç.
“Bazuar në informacionet e marra se në Yrshek, Tiranë, shtetasit O. L. dhe A. Xh. merreshin me shpërndarje të lëndëve narkotike të llojit cannabis sativa dhe kokainë, të cilat i mbanin në një ambient në pronësi të shtetasit A. XH, organizuan punën për kapjen e këtyre shtetasve. Gjatë kontrollit të ushtruar në ambientin në pronësi të shtetasit A. XH., Policia ka gjetur rreth 1.3 kg lëndë narkotike cannabis sativa dhe qese farmaceutike që shërbenin për të ndarë në doza lëndën narkotike. Ndërsa në banesën e këtij shtetasi u gjet një pushkë sportive dhe fishekë metalik për pushkën.” njopfton policia.
Mbi dy të arrestuarit rëndojnë akuzat për veprat penale “Prodhimi dhe shitja e narkotikëve”, e kryer në bashkëpunim dhe “Prodhimi dhe mbajtja pa leje e armëve të gjuetisë dhe sportive”.
Policia ka proceduar në gjendje të lirë dhe dy shtetasit S. XH. e Z. Xh. familjarë të shtetasit A. XH.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë.
