Rritet bilanci i viktimave nga atentati i ndodhur në orët e vona të mbrëmjes së të shtunës në Kurbin.
Mësohet se ka ndërruar jetë në Spitalin e Traumës 53-vjeçari Paulin Gjergji, i cili mbeti i plagosur gjatë atentatit që iu bë biznesmenit Bujar Lika (Hasani) mbrëmjen e djeshme.
Burime policore bëjnë me dije se 53-vjeçari Paulin Gjergji ka ndërruar jetë mëngjesin e sotëm duke mos i rezistuar dot plagëve të marra.
Gjithashtu bëhet me dije se 30 persona janë shoqëruar nga policia, ndërsa 21 vjeçari Kreshnik Tusha është në gjendje të rëndë.
Por kush është e shkuara e biznesmenit Bujar Lika (Hasani)?
37-vjeçari rezulton një emër i njohur për policinë, pasi në vitin 2016 është dënuar nga gjykata me 1 vit burg si i përfshirë në vrasjen e Enton Nikajt në Dajt në vitin 2015. Viktima ishte mik i ngushtë i Ervis Martinajt, gjithashtu emër i njohur pas ngjarjes së 2018 në Bllok.
Pranë trupit të viktimës që njihej me dy mbiemra, Lika e Hasani mbrëmjen e djeshme u gjet një armë, që nuk dihet nëse u përdor gjatë shkëmbimit të zjarrit.Vijon hetimi i ngjarjes nën drejtimin e prokurorit./b.b/fjala.al
Detajet/ Atentati në Laç, kush është viktima dhe dy të plagosurit (Emrat)
