Është ndëprerë përkohësisht mbledhja e Këshillit Politik ku diskutohet për reformën zgjedhore. Raportohet se mbledhja është ndërprerë për shkak të takimit që Damian Gjiknuri, Oerd Bylykbashi dhe Petrit Vasili po zhvillojnë me një përfaqësues të Ambasadës Amerikane.
Fjala.al raportoi gjatë pasdites se takimi i orës 17:00 u shty pikërisht për shkak të negociatave që diplomatët e huaj po zhvillonin me përfaqësuesit politik, ndërkohë që përfaqësuesi amerikan po vijon negociatat edhe brenda ambienteve të Pallatit të Kongreseve.
Takimi ka qenë fillimisht me Gjiknurin dhe Bylykbashin, e më pas është bashkuar edhe Vasili.
Amerikanët kanë bërë thirrje që marrëveshja për reformën zgjedhore të mbyllet sot, më 31 maj, ndërkohë që palët nuk kanë dorëzuar propozime të reja, por duhet të gjejnë dakordinë për çështje si teknologjia në zgjedhje dhe qeveria kujdestare.
