Finalja e FA Cup në futbollin anglez e programuar të zhvillohet në 1 Gusht mund të sjellë zhvillime interesante me përfshirjen e të paktën 20 mijë tifozëve në shkallët e stadiumit mitik, Wembley. (fjala.al). Ekspertët sugjerojnë që të hapet futbolli për prezencën e publikut, edhe pse me limit në numër, por vetëm nëse niveli i infeksionit nga coronavirus bie nën 0.5″ në Britaninë e Madhe.
FA është duke eksploruar planet për të lejuar 10,000 mbështetës nga secila skuadër të marrin pjesë në finalen e madhe. Kështu do krijohej një atmosferë e denjë për dorëzimin e trofeut në në stadiumin me kapacitet 90,000 spektatorë.
Sidoqoftë, raporti i FA tregon që një skenar i tillë mund të ndodhë vetëm nëse niveli i infeksionit koronavirus është nën 0.5 deri në kohën kur zhvillohet ndeshja.
Tifozët nuk do të jenë në gjendje të marrin pjesë në ndonjë ndeshje të Premier League në pjesën e mbetur të sezonit, por ka shpresë se situata mund të jetë e ndryshme për finalen e Kupës së FA, veçanërisht duke pasur parasysh kapacitetin e madh të Wembley.
“Kjo masë do të jetë për numër më të vogël, të menaxhueshëm në fillim dhe Wembley do të duket një vend i mirë për të filluar pasi është stadiumi më i madh i vendit” tha një asministrator i një klubi elitar. (fjala.al). Janë tetë ekipe të mbetura në garën për FA Cup këtë sezon. Në çerekfinale Leicester do të përballet me Chelsea, ndërsa Newcastle do të jetë kundër Manchester City. Dy ndeshjet e tjera vendosin Sheffield United ndaj Arsenal dhe Norwich në “aksion” kundër Manchester United.
