CRCA / ECPAT Albania, organizatë që ka në fokus mbrojtjen e të drejtave të fëmijëve dhe të rinjve në vendin tonë, ka bashkëpunuar së fundmi me policinë në operacionin që çoi në pranga Abaz Doku, 65 vjeç. Ky i fundit kishte abuzuar seksualisht me një 15 vjeçare, si dhe i bënte presion me anë të një videoje.
Por kjo organizatë paralajmëron të gjithë pedofilët në Shqipëri, përfshirë ata që frekuentojnë faqen ‘on line’ se, çdo ditë po bëhet më e lehtë për t’i gjetur dhe për t’i çuar përpara drejtësisë.
“Ka mbi një muaj që po punojmë me Policinë e Shtetit dhe ia dolëm! Aksion dhe punë perfekte policore! Një rrjet pedofilësh dhe grabitqarësh seksualë janë vënë në pranga dhe një fëmijë ka shpëtuar nga abuzuesit e saj! Kam një thirrje për të gjithë pedofilët dhe grabitqarët seksualë online: Bëni kujdes! Çdo ditë po bëhet më e lehtë për t’ju gjetur se ku jeni”, thuhet në reagim.
