Policia e Tiranës ka dhënë bilancin e ndëshkimeve të fundit për drejtuesit e automjeteve dhe mjeteve të ndryshme për mosrespektim të rregullave të qarkullimit dhe drejtim mjeti në mënyrë të gabuar.
Sipas burimeve zyrtare, janë arrestuar 18 drejtues mjetesh, për shkak se 11 prej tyre janë konstatuar në gjendje të dehur dhe 7 të papajisur me leje drejtimi. Ndërkohë që janë pezulluar 107 leje drejtimi, nga të cilat 23 për drejtim mjeti nën efektin e alkoolit. 74 për shpejtësi mbi normat e lejuara dhe 10 për shkelje të tjera të ndryshme. Gjithashtu janë proceduar administrativisht dhe 78 drejtues mjetesh, për shkelje të sinjalizimit të ndritshëm (semafor).
Burime zyrtare njoftojnë dhe se janë proceduar dhe 358 drejtues mjetesh të ndryshme, të cilët janë konstatuar se qarkullonin apo pushonin mjetet e tyre në korsitë e dedikuara të shërbimit publik dhe në pistat e rezervuara për biçikletat.
Ndërkohë që nuk kanë mbetur pa u ndëshkuar as drejtuesit e biçikletave, pasi mësohet se 93 prej tyre janë proceduar pasi janë konstatuar duke qarkulluar në pistat që nuk janë të rezervuara për to./E.B./Fjala.al
