Protestat për vrasjen nga policia të George Floyd janë duke vazhduar edhe pas 5 ditësh. Ndërkohë numri i viktimave gjatë protestës ka shkuar në tre, ndërsa dhjetëra persona të tjerë janë plagosur, mes tyre 12 policë.
Gjendja kaotike vazhdon në 17 qytete, ndërsa protestat janë shtrirë në të gjithë Shtetet e Bashkuara.
Qeveria amerikane ka shpallur gjendja e jashtëzakonshme në disa qytete, ndërkohë në terren kanë zbritur njësitë speciale paraushtarake të gardës kombëtare për të rikthyer rendin publik, pasi manifestuesit e dhunshëm i vunë flakën komisariateve të policisë, e qindra biznese u grabitën e u dogjën.
Presidenti amerikan Donald Trump tha se vdekja e George Floyd ishte një tragjedi e madhe, por shprehu angazhimin se dhuna në protesta ishte e patolerueshme. Ai paralajmëroi se aktet e dhunës do të ndaleshin me çdo çmim./r.g/fjala.al
