Detaje të reja janë zbardhur nga shpërthimi me eksploziv te hoteli në pronësi të familjes së Ervin Matës mbrëmjen e djeshme pranë QSUT-së.
Burime pranë policisë, bëjnë me dije se nga hetimet ka rezultuar se autorët, kanë shkuar me makinë nga hyrja e rrugës kryesore dhe pa zbritur fare prej saj, kanë hedhur tritolin nga dritarja e makinës, i cili ka shpërthyer pas 4 minutash.
Deri më tani mësohet se policia nuk ka autorë të dyshuar, por është vënë në kërkim të automjetit, të cilit i kanë identifikuar targën.
Shpërthimi ka ndodhur në cepin anësor të hotel “Victoria” rreth orës 22:40, duke shkaktuar vetëm dëme materiale, ndërkohë që dëmtime ka pësuar dhe një lokal pran hotelit.
Ervin Mata është një emër i njohur për policinë si i përfshirë në ngjarjen e 4 tetorit 2018 në një lokal në zonën e ish-Bllokut, ku mbeti i vrarë, Fabiol Gaxha dhe i plagosur rëndë Elion Hato dhe biznesmeni Ervis Martinaj./E.B./Fjala.al
