Altin Dumani do të jetë zëvendës drejtues pas Arben Krajës në Prokurorinë e Posaçme kundër Krimit dhe Korrupsionit.
Sot është mbajtur mbledhja në SPAK ku është marrë dhe ky vendim teksa prokurorët janë ndarë në dy seksione.
7 prokurorë të SPAK janë në sektorin kundër Krimit të Organizuar, dhe 5 në seksionin e Krimit dhe Korrupsionit.
Duke vlerësuar faktin që specializimi për kategori të caktuara veprash penale është element thelbësor ndikues në rritjen e efikasitetit të ushtrimit të ndjekjes penale në përgjithësi, nisur nga fakti se objekti i punës së Prokurorisë së Posaçme përfshin dy drejtime kryesore: ushtrimi i ndjekjes penale kundër krimit të organizuar dhe ushtrimi i ndjekjes penale kundër korrupsionit drejtuesi i Prokurorisë së Posaçme, me Urdhërin nr. 87, datë 01.06.2020 ka vendosur që në Prokurorinë e Posaçme Kundër Korrupsionit dhe Krimit të Organizuar prokurorët e ushtrojnë ndjekjen penale në dy seksione si më poshtë :
-Seksioni Kundër Krimit të Organizuar: Altin Dumani; Vladimir Mara; Behar Dibra; Ened Nakuçi; Doloreza Musabelliu; Elida Kaçkini.
-Seksioni Kundër Korrupsionit; Edvin Kondili; Klodjan Braho; Enkeleda Millonai; Dritan Prençi dhe Sotir Kllapi
Nisur nga nevoja për të rritur efektivitetin e punës dhe ushtrimit të ndjekjes penale në Prokurorinë e Posaçme Kundër Korrupsionit dhe Krimit të Organizuar, duke vlerësuar rezultatet në punë, aftësitë organizative, vlerësimin e përformancës etike dhe profesionale u vendos që Altin Dumani emërohet Zëvendës Drejtues i Prokurorisë së Posaçme Kundër Korrupsionit dhe Krimit të Organizuar dhe njëkohësisht Drejtues i Seksionit Kundër Krimit të Organizuar.
Edvin Kondili emërohet Drejtues i Seksionit Kundër Korrupsionit, në Prokurorinë e Posaçme Kundër Korrupsionit dhe Krimit të Organizuar./b.b/fjala.al
