Sot u rihap kufiri Shqipëri-Kosovë, pas mbylljes prej gati 3 muajsh, si masë parandaluese për përhapjen e virusit të ri COVID-19.
Por, kamionët që u futën nga Shqipëria, kanë paguar një taksë, e cila shërbente, sipas autoriteteve kosovare, për të paguar dezinfektuesin për secilin lloj mjeti.
Kamionët që kanë kaluar sot nga Shqipëria drejt Kosovës janë taksuar me një tarifë në bazë të peshës së secilit prej tyre.
-Nga 3.5 ton deri në 7 ton është 17 euro
-Nga 7.5 ton deri në 19 ton është 19 euro
-Mbi 12 ton është 22 euro
Gjithsesi, para pak minutash, ministria e Brendshme e Kosovës ka njoftuar se nuk ka më nevojë për marrjes e kësaj mase.
“Pezullohet kontrata për dezinfektimin e mauneve që vijnë në Republikën e Kosovës. Dezinfektimi i kamionëve parashihej në kuadër të masave për luftimin e pandemisë së COVID-19.
Nga ky moment importuesit nuk kanë nevojë t’i dezinfektojnë maunet në pikat kufitare”, thuhet në njoftim./E.B./Fjala.al
