Protesta, trazira dhe sulme me armë ndaj gazetarëve në SHBA

113 563 lexime

124,178FansaPëlqeje

Vdekja e afro-amerikanit George Floyd vazhdon të shoqërohet me protesta nga Nju-Jorku në Los Angeles. Në Mineapolis situata mbetet e tensionuar dhe forcat e policisë po veprojnë më ashpër. Edhe një ekip i DW-së u qëllua.

Fundjava në SHBA qe mjaft e dhunshme: në Indianapolis gjetën vdekjen të paktën dy vetë prej të shtënave gjatë protestave në qendër të qytetit. Në Nju-Jork dy makina policie u përplasën në një turmë demonstruesish që i qëlluan me gurë, dhe në Çikago oficerëve të policisë iu deshën dymbëdhjetë orë për të vënë situatën nën kontroll. Në mjaft qytete u vendos gjatë natës shtetrrethim, ndërkohë që protestat janë përhapur në shumë qytete dhe ka pasur edhe mjaft shkatërrime, incidente të dhunshme dhe arrestime të shumta.

Dallime të forta raciale

Korrespondenti i DW, Stefan Simons, foli në Mineapolis me shumë demonstrues. “Ata i krahasojnë protestat me lëvizjen për të drejtave civile të viteve 1960”, thotë ai. “Shumë thonë se edhe pse kanë kaluar 50, 60 vjet asgjë nuk ka ndryshuar”. Në fakt, statistikat kombëtare në SHBA ende tregojnë se midis banorëve ka dallime të mëdha në varësi të ngjyrës së lëkurës, qoftë sa i takon pagës mesatare, qasja në kujdesin shëndetësor dhe madje edhe sa i përket jetëgjatësisë.

Për shkak se të zinjtë në SHBA shpesh punojnë në punë ku kanë mjaft kontakte me njerëz dhe mesatarisht kanë qasje më të dobët në sistemin shëndetësor, përhapja më e madhe e Coronës në radhët e banorëve me ngjyrë është treguesi i fundit i pabarazisë në shoqërinë amerikane.

Mosbesim ndaj Trumpit

Shumë amerikanë nuk besojnë se nën Presidentin aktual Donald Trump do të ndryshojë gjë dhe përmendin për shembull se si ai i quajti racistët e bardhë si “njerëz të mirë” pas një marshimi të të djathtëve në Charlottesville në vitin 2017. Trumpi e quajti vdekjen e Floydit një “tragjedi të tmerrshme”. Por disa e kanë interpretuar një mesazh që bëri Trumpi së fundi në twitter si një apel për mbështetësit e tij radikalë për t’u përfshirë dhe organizuar fjalë për fjalë një natë “Bëjeni Amerikën të madhe përsëri”.

Lexo edhe :  Sa fiton Donald Trump si President?

Trazira, plaçkitje, zjarrvënie

Trumpi i akuzoi demonstruesit se ata nuk mblidhen në kujtim të George Floyd, por se duan të shkaktojnë trazira dhe probleme. Në Minneapolis ka edhe njerëz të tillë, sqaron korrespondenti i DW Simons: “Nuk është ndonjë gjë e pazakontë, që kur ka një protestë diku shpesh në të përzihen njerëz të tillë që shkaktojnë telashe.” Por trazirat, plaçkitjet dhe zjarrvëniet janë kryesisht dukuri e orëve të natës.

Sulme me armë ndaj gazetarëve

Gjatë ditëve të fundit Simons ka vënë re qe protestat janë shtuar dhe bashkë me to edhe forcat e sigurisë që patrullojnë netëve. Përveç njësive të ndryshme të policisë tani në Minneapolis dhe në disa qytete të tjera patrullonjë dhe njësi të Gardës Kombëtare.

Situata gjithnjë e më e tensionuar vështirëson gjithashtu dhe punën e gazetarëve. Të premten u arrestuan dhe u mbajtën për pak kohë në stacionin e policisë një korrespodent i CNN-it dhe një ekip televiziv. Të shtunën u plagosën nga plumba gome dy punonjës të agjencisë së lajmeve Reuters dhe një korrespondente e një gazete suedeze. Një incident i ngjashëm i ndodhi dhe korrespondentit të DW dhe kameramanit të tij ndaj të cilëve trupat e policisë qëlluan me plumba gome./DW

Të fundit

Justin Bieber shiti katalogun muzikor për 200 milionë dollarë për shkak të falimentimit

Justin Bieber ka shitur të gjithë katalogun e tij muzikor për 200 milionë dollarë në dhjetor të vitit 2022,...

23-vjeçari plagos më armë babain në Fier

Një 23-vjeçar u vu në pranga nga Policia e Fierit pasi plagosi me armë zjarri babanë e tij. 58-vjeçari u dërgua në spital dhe...

Gara për Tiranën/ Xhaçka në avantazh ndaj Gjylametit! Majko, Kodheli e Felaj pa mandat

Vijon ende numërimi i votave preferenciale për qarkun e Tiranës, teksa deri tani janë numëruar 27697 zarfe me votën e diasporës, nga 43157 në...

E frikshme! Një avion i Lufthansas fluturoi pa pilot për 10 minuta, zbardhet raporti

Një fluturim i Lufthansas me 205 persona në bord mbeti pa pilot për 10 minuta, shkruan CNN sot, pasi piloti humbi ndjenjat ndërsa ishte...

Dua Lipa hyn në listën e më të pasurve nën 40 vjeç në Britani

Sunday Times ka publikuar listën e të pasurve nën 40 vjeç në Britani, ku ylli shqiptar Dua Lipa, 29 vjeçe, është emri më i...

Lajme të tjera

Web TV