Kryedemokrati Lulzim Basha së bashku me zëdhënësen e PD-së, Ina Zhupa dhe kreun FRPD-së Belind Këlliçin kanë zhvilluar ditën e sotme takime me bizneset në zonën e Kombinatit në kryeqytet për të diskutuar me ta gjendjen në të cilën ata ndodhen pas izolimit për shkak të virusit të ri COVID-19.
Pas takimeve, zëdhënësja e PD-së, Ina Zhupa ka reaguar me anë të një postimi në rrjetet sociale e cila shprehet se bizneset e identifikojnë përgjegjësinë kryesore te Qeveria për papunësinë masive dhe thellimin e varfërisë.
Sipas saj, qytetarët e kanë kuptuar se fundi i kësaj qeverie është i afërt dhe do t’i bashkohen alternativës së PD-së për një qeverisje që do ta kthejë vendin në normalitet.
Postimi i plotë:
Paratë e taksave do të shkojnë për qytetarët, jo për oligarkët- ky ishte angazhimi i kryetarit Lulzim Basha me bizneset në prag falimenti dhe banorët e braktisur në Kombinat.
Bizneset e identifikojnë përgjegjësine kryesore tek menaxhimi i keq që qeveria i bëri krizës së pandemisë, duke shkaktuar papunësi masive dhe thellim të varfërisë.
Ata i treguan Kryetarin Basha se shumica jetojnë me punë ditore, pension, pagesa invaliditeti, të cilin mezi e marrin në radhët e gjata dhe se nuk kanë marrë asnjë ndihmë.
Qytetarët e kanë kuptuar se fundi i kësaj qeverie është i afërt. Ata do t’i bashkohen alternativës sonë për një qeverisje që do ta kthejë vendin në normalitet./E.B./Fjala.al
https://www.facebook.com/inazhupaPD/posts/3885653541506023?__xts__[0]=68.ARDqqX2WNv08NPAyQZa4fE7kb8BlFxCDwVHtZFB9cVwVTE0UVV-fVNzwwpmC-R8fsxPuMGt0_MdH8L1dvjPzHc4Yf_NaK3lih-5hz0ZixSM2dNXMyJano9LgzEuiuuL1Ep8mBSzbE6fZWAY7hVvnWk_1L-mdwVBC7dEcJ7-guxcb5-Yu_XDkZW5jahX2jq05SDd51w7_mmSmGIJVu8YR0YVJPJwo3wIB7e-Cd9AWnR3U0DEBFJJZLyeTedg32fWGos6Ibvz_g1mzYR8Nzc6dflC5Vo5sUoPp1MIMeICe1ChRLlYWCx6dUWRfGHbD6m7zVd9inmLONJkxD8wHtfJi_NK5Pwbb&__tn__=-R
