Partia Demokratike ka reaguar nëpërmjet ish-deputetes së Vlorës, Nada Meçorapaj, për dorëheqjen e drejtoreshës së Kadastrës në këtë qytet. Kjo dorëheqje është e gjashta në pak muaj dhe PD thotë se shkak për këtë situatë rivaliteti midis dy bandave për bregdetin e Jalit.
Meçorapaj akuzon se Qeveria e Edi Ramës po mbështet njërën prej bandave në këtë konflikt.
“Vizitat qesharake blic të Erion Braçes dhe urdhrat e pavlerë politikë të Edi Ramës për t’i falur bregdetin e Jalit mikut të tij, kanë përfunduar në koshin e plehrave”, ish-deputetja.
Reagimi i plotë
Dorëheqja e gjashtë në Kadastrën e Vlorës është dëshmia më e pakundërshtueshme se Shqipëria nuk ka qeveri për qytetarët, por një bandë që lufton me një bandë tjetër për të grabitur bregdetin dhe pasuritë e tjera.
Vizitat qesharake blic të Erion Braçes dhe urdhrat e pavlerë politikë të Edi Ramës për t’i falur bregdetin e Jalit mikut të tij, kanë përfunduar në koshin e plehrave.
Nëse Edi Rama do të kishte harxhuar kaq shumë kohë dhe energji jo për të grabitur prona, por për problemet e vërteta të qytetarëve, sot nuk do të ishin në prag falimentimi me mijëra biznese.
As i shtati i komanduar sot në Vlorë nuk ka për të zgjatur, sepse askush nuk është i gatshëm te shkojë në burg për të bërë Edi Ramën pronar të paligjshëm edhe të bregdetit të Jalit.
