Inspektoriati i Lartë i Drejtësisë ka nisur hetim disiplinor ndaj gjyqtares së rrethit gjyqësor në Krujë, Ekelejda Hoxha.
Hetimi disiplinor ndaj gjyqtares nisi, pasi këshilli i Lartë Gjyqësor përcolli ankesën e paraqitur nga ana e ministrisë së Drejtësisë pranë Inspektoriatit të Lartë të Drejtësisë.
Ankesa u regjistrua pranë zyrës së ILD më datë 25 shkurt të këtij viti. Nga shqyrtimi i ankesës bërë nga Ministria e Drejtësisë rezulton se ankesa ka qenë korrekte dhe për këtë arsye ka nisur dhe hetimi.
Interesimit të gazetës “Fjala” për këtë çështje ka thënë se ILD ka vënë nën hetim disa gjyqtarë dhe prokuror e për shkak të konfidecialitetit nuk mund të japë informacion për emra të veçantë.
“Për shkak të standardit të ruajtjes së parimit të konfidencialitetit, nuk mund të konfirmoj ose jo emra të veçantë, dhe ky proces po zhvillohet sipas afateve dhe procedurave të përcaktuara në ligj, duke respektuar interesin publik për administrimin e drejtësisë me pavarësinë e gjyqtarëve dhe prokurorëve”, tha zëdhënësja e ILD-së.
Shkak për nisjen e hetimit disiplinor ndaj gjyqtares së Krujës u bë lirimi nga burgu i Indrit Dokles, i dënuar me burgim të përjetshëm./b.b/fjala.al
