“Familja e vajzës 15-vjeçare që u përdhunua në Babrru jeton në të njëjtin pallat me familjen e dhunuesit 65-vjeçar,” deklaroi Merita Xhafaj, Drejtoreshë e Politikave Sociale në Ministrinë e Shëndetësisë dhe Mbrojtjes Sociale në fjalën e saj në mbledhje online të “Aleancës së grave deputete”.
Gjithashtu, Merita sqaroi se djemtë e dhunuesit qëndrojnë në shkallët e pallatit duke i bërë presion direkt apo indirekt familjarëve të viktimës.
“Djemtë e dhunuesit rrinë tek shkallët e pallatit, dhe kjo është një formë presioni ndaj familjes së viktimës që jeton vetëm një kat më lartë me familjen e dhunuesit.
Vajza është strehuar në një nga “Nisma Arsis”, ndërkohë CRCA po ofron këshillim psikologjik. Gjithashtu kemi folur me familjen për t’i ofruar një banesë me qira në Tiranë. Në këtë rast familja përfiton nga bonusin e qirasë. Familja fillimisht nuk pranonte, por tani ka rënë dakord që të vijë të jetojë në Tiranë duke i shpëtuar “shantazheve” të familjes së dhunuesit.
Burime për grupin mediatik “Fjala” bëjnë me dije se vajza 15-vjeçare do të qëndrojë për një javë tek Nisma Arsis./l.m/Fjala.al
