Pas mbledhjes së kryesisë të LDK-së, i mandatuari për kryeministër të ri të Kosovës, Avdullah Hoti, ka prezantuar emrat e propozuar nga forca e tij politike për ministra në kabinetin e tij.
Ai shtoi më tej se pret që sonte të prezantohet edhe lista me emrat e propozuar nga AAK-ja e Nisma.
Në anën tjetër, kryetari i LDK-së, Isa Mustafa, ka thënë se është i bindur që i kanë numrat për formimin e Qeverisë së re.
Pas mbledhjes së kryesisë së LDK-së, Hoti ka prezantuar këtë listë:
Driton Selmanaj, zëvendëskryeministër
Agim Veliu, ministër i Punëve të Brendshme
Arban Abrashi, ministër i Infrastrukturës
Anton Quni, ministër i Mbrojtjes
Vlora Dumoshi, ministre e Kulturës, Rinisë dhe Sportit
Armend Zemaj, ministër i Shëndetësisë
Hykmete Bajrami, ministre e Financave
Seanca në Kuvendin e Kosovës ku pritet të votohet Qeveria Hoti, do të mbahet ditën e nesërme rreth orës 11:00./E.B./Fjala.al
