Wuhani, qyteti ku shpërtheu fillimisht koronavirusi, ka testuar 9.9 milionë banorë dhe asnjë nuk ka rezultuar bartës i virusit.
Lajmin e kanë bërë të ditur autoritetet shëndetësore, të cilat thanë se asnjë prej tyre nuk ka rezultuar pozitiv por 300 prej tyre janë zbuluar asimptomatikë. Shteti kinez nuk i numëron si të infektuar me Covid-19 personat asimptomatikë.
“Nga 14 maji deri në përfundim të 1 qershorit, 1, 9,899,828 personave në Wuhan u janë bërë teste të acidit nukleik. Deri më tani, proporcioni i rasteve asimtomatike në Wuhan është ekstremisht i ulët në të gjithë popullatën, dhe asnjë rast asimtomatik që të ketë infektuar ndonjë person tjetër nuk është gjetur” u shpreh Lu Zuxun, nga Shoqata Kineze e Mjekësisë Parandaluese në një konferencë për mediat.
Nënkryetari i Wuhan-it, Hu Yabo ka deklaruar se qyteti shpenzoi 126 milion dollar për fushatën e testimit.
