Italia i ka dhënë fund masave të marra nga qeveria për shkak të pandemisë së koronavirusit, e cila i ka marrë jetën 33.910 personave dhe ka infektuar 233 mijë të tjerë.
Kryeministri Conte ka zhvilluar një takim me mediat ku u shpreh optimist mbi mënyrën e menaxhimit të situatës së emergjencës shëndetësore në vend.
“Prej datës 4 maj, të dhënat e pandemisë janë inkurajuese, e pas këtyre muajve sakrificë meritojmë buzëqeshje e alegri por nuk duhet të braktisim masat e distancimit social e maskat duhet t’i përdorim aty ku është e nevojshme për t’u mbrojtur” – tha ai.
“Po përballemi me një emergjencë ekonomike e sociale por dhe me një legjislacion që nuk ishte i përgatitur për të derdhur shuma parash në një nivele të tillë të përgjithshëm. Kërkoj falje, tha ai e po bëjmë ç’është e mundur për të aktivizuar pagesat, bonuset e amortizatorët socialë. Kjo krizë të na shërbejë për të zgjidhur problemet strukturore e për t’i dhënë një pamje të re vendit”, deklaroj kreu i ekzekutivit italian.
Conte njoftoi se në datën 3 qershor do të hapët turizmi në Itali dhe theksoi rëndësinë e fushatave të promovimit të pasurisë kulturore e artistike italiane në botë.
“Nuk duhet të harrojmë se gjatë këtyre muajve izolimi bukuria italiane nuk qe kurrë në karantinë!”, shtoi ai./Fjala.al/K.L
