Pas ngjarjes së rëndë që ndodhi në Babrru, ku roja i shkollës, 65-vjeçar përdhunoi një nxënëse 15-vjeçare, është marrë vendimi që të pezullohet drejtori i shkollës.
Në media është përfolur se drejtori dhe mësuesit e shkollës 9-vjeçare ‘Azem Hajdari’, kishin dijeni për ngjarjen e rëndë, por deri tani asgjë nuk është zyrtare.
Drejtori i këtij institucioni, Besnik Daci, do të pezullohet nga detyra deri në përfundim të plotë të hetimit administrativ dhe sqarimin e rrethanave te ngjarjes nga organet kompetente.
Kujtojmë se vajza prej 1 viti abuzohej seksualisht nga i moshuari, i cili kishte qenë roje për shumë vite në shkollën ku studionte edhe 15-vjeçarja./l.m/Fjala.al
