Një vajzë 8-vjeçare e punësuar në mënyrë të paligjshme si shërbëtore është vrarë nga punëdhënësit e saj në Rawalpindi, Pakistan pasi papagallët e tyre u larguan nga kafazi, tha policia.
Të Dielën, vajza, e quajtur Zohra, hapi një kafaz papagalli për të ushqyer zogjtë, por ata u larguan, tha shefi I policisë në Rawalpindi, Zia Uddin.
Si ndëshkim, punëdhënësit e Zohra, të cilët drejtojnë një biznes shit blerje kafshësh, e rrahën atë derisa humbi vetëdijet, e më pas e dërguan në spital ku vdiq të hënën. Autoritetet e spitalit menjëherë thirrën policinë, të cilët bënë të mundur arrestimin e punëdhënësve.
Një hetim fillestar policor, i njohur në vend si një raport i parë informacioni (FIR), tha: “Viktima u soll në spital dhe ishte akoma gjallë. Ajo kishte lëndime në fytyrë, duar, nën kafazin e brinjëve dhe këmbët. Ajo gjithashtu kishte plagë në kofshët e saj, të cilat sugjerojnë se ajo mund të ishte sulmuar seksualisht “.
Policia ka lënë paraburgim të dyshuarit ndërsa po mbledh provat e nevojshme. Ata kanë dërguar mostra për ekzaminim mjekoligjor dhe aktualisht janë në pritje të rezultateve.
Të dyshuarit do të lihen në paraburgim derisa të përfundojë hetimi.
Zohra ishte e punësuar për tu kujdesur për vogëlushen e familjes, dhe si shpërblim ata u ofruan të paguanin për arsimin e saj.
Pakistani ka një problem të madh me punën e fëmijëve, sipas një raporti të vitit 2018 nga Komisioni për të Drejtat e Njeriut të Pakistanit (HRCP), i cili vlerësoi se rreth 12 milion fëmijë ishin duke punuar në vend.
Ndërsa Pakistani nuk ka një moshë minimale ligjore për punësim, ndërkohë ligji e ndalon punësimin e të miturive si shërbyes./cnn/r.g/fjala.al
