Për të janë gati të vendosin baste 40 milionë Euro vetëm për ta patur në skuadër, për të janë gati të shkelin edhe rregullat e klubit vetëm që të mos privohen nga një talent që mund të bëjë diferencën. Por edhe pse ka pas vetes gjysmën e klubeve europiane, 2020 i Rashicës nuk ka qenë në lartësinë e pritshmërive.
Milot Rashica po përjeton periudhën më të dobët që kur ka veshur fanelën e Werder Bremen, që prej kalimit në Bundesligë nga Vitesse në janar të vitit 2018. Anësori kosovar, ish mesfushori i kombëtares shqiptare të futbollit që tani po shkëlqen em Dardanët, nuk ka shënuar një gol prej 14 ndeshjesh në Bundesliga.
Rashica ende nuk e ka gjetur rrjetën në vitin 2020, dhe ka kontribuar në vetëm dy gola të Werder në 14 paraqitjet e fundit, duke asistuar në barazimin 2:2 me Hertha dhe në fitoren 1:0 kundër Schalke. Mbeten për tu parë sesi do të paraqitet ndaj Wolfsburg, Paderborn, Bayern Munich, Mainz dhe Koln. por nëse rashica nuk bëhet protagonist, Liverpool ndoshta do rishikojë vendimin për të ofruar 38 milionë Euro, për një lojtar që mund të venitet shpejt si rasti i Xherdan Shaqirit.
