Kufijtë e jashtëm të BE-së do të rihapen nga data 1 korrik. Kështu kanë njoftuar ministrat e Brendshëm të BE-së. Dokumenti përfundimtar pritet të përpilohet javën e ardhshme dhe pritet që pas kësaj date Europa e Bashkuar do të jetë e arritshme për turistët jashtë Unionit.
Së fundmi, vendet e BE-së po lëviznin në mënyrë të pavarur për të rihapur kufijtë.
Yllva Yohansson, komisionerja europiane për Punët e Brendshme të Unionit deklaroi se do të eliminohen të gjitha kufizimet në kufijtë e brendshëm dhe kontrollet kufitare.
Por nëse çështja e kufijve të brendshëm europian është më e lehtë për tu zgjidhur, ajo e kufijve të jashtëm ishte më e ndërlikuar.
“Kur bëhet fjalë për kufijtë e jashtëm, është mirë që të kemi të njëjtën qasje – tha Johansson – Ky është një parakusht për të pasur kufij të hapur brenda Bashkimit Evropian dhe zonës Shengen.
Rihapja e kufijve vjen në një moment kur turizmi ka nevojë urgjente për të filluar serish aktivitetin./Fjala.al/k.l
